Zjarrfikësit brazilianë po luftonin me zjarrin të dielën në Parkun Kombëtar Brasilia, një rezervat natyror që ndodhet në dalje të kryeqytetit. Zjarri është më i madhi që Brasilia ka parë këtë vit. Rreth 1200 hektarë janë djegur, sipas autoriteteve përgjegjëse për administrimin e parqeve kombëtare të Brazilit. Zjarri u aktivizua në të njëjtën ditë kur gjyqtari i Gjykatës së Lartë Flavio Dino autorizoi qeverinë të tejkalonte kufijtë ekzistues të shpenzimeve për të financuar luftën kundër zjarreve. Sipas Institutit Kombëtar për Kërkimet Hapësinore, 55,517 zjarre janë regjistruar vetëm në muajin shtator, nga 46,498 që u shënuan një vit më parë. Autoritetet fajësojnë banorët si shkaktarët më të mëdhenj të aktivizimit të zjarreve, për shkak se tentojnë të hapin kullota të reja. Por këtë vit situate është përkeqësuar si rrjedhojë edhe e motit të nxehtë.