Dy të moshuara kanë shpëtuar mrekullisht, nga ajo që mund të ishte kthyer në tragjedinë e kësaj të diele. Bëhet fjalë për një zjarr të rënë në katin e dytë të një pallati në Durrës, ku për pasojë kanë rrezikuar jetën 2 të moshuara. Ngjarja ka ndodhur në lagjen numër shtatë të qytetit bregdetar, në vendin e njohur si Çezma e Ferrës. Sipas informacioneve paraprake nga vendi I ngjarjes, dyshohet se shkak për këtë zjarr të jenë bërë pajisjet elektrike, ndonëse nuk ka një qëndrim të prerë nga grupi etimor. Në momentin e zjarrit në apartament kanë qenë dy të moshuarat, njëra prej të cilave ka arritur të dale vetë nga apartamenti, duke shpëtuar nga flakët. E moshuara tjetër, identiteti I të cilës nuk bëhet I ditur, ka mbetur për disa minuta në apartament, dhe ka qenë ndërhyrja e forcave zjarrfikëse që kanë bërë të mundur nxjerrjen e saj nga apartamenti. Si pasojë e asfiksisë dhe panikut, e moshuara në fjalë dhe një banor I një kati më lart janë dërguar në spital, për ndihmë mjekësore, jashtë rrezikut për jetën. Grupi hetimor do hetojë për shkaqet e zjarrit më hollësisht.