Dhjetëra persona të armatosur me shkopinj, i kanë vënë flakën një tramvaji në amsterdam pasi më herët, goditën me mjete të forta e shashka mjetin. Sipas policisë holandeze, tensioni në qytet është rritur pas përleshjeve të dhunshme të javës së kaluar, pas ndeshjes mes Ajaksit dhe Maccabit. Autoritetet kanë thënë se zjarri në tramvaj është shuar shpejt dhe se njësitë speciale të policisë kanë zbrazur zonën ku ka ndodhur incidenti. Tre persona janë arrestuar dhe disa të tjerë janë në kërkim. Në një deklaratë, saktësohet se nuk është e qartë se kush i ka nisur trazirat dhe as nëse ato janë të lidhura me agresionin ndaj tifozëve izraelitë. Mediat vendase raportojnë se disa persona me fytyra të mbuluara, kanë lëshuar slogane si ‘Palestina e lirë’ dhe ‘hebrenjtë janë kancer’. Trazirat nisën pak pas orës 19 të së hënës, shkruan policia në llogarinë e saj në X, kur një grup personazh shkaktuan rrëmuja dhe hodhën fishekzjarre. Kjo bëri që një tramvaj të merrte flakë. Përleshjet u regjistruan në perëndim të amsterdamit, ku po ashtu disa makina dhe bicikleta u dogjën apo u shkatërruan. Gjatë ditës në qytet, disa manifestues pro palestinës kishin zbritur në shesh, pavarësisht ndalimit të tubimeve dhe gjatë protestave të tyre ka patur trazira dhe përleshje me policinë. Fatmirësisht, zjarri më tramvaj nuk ka shkaktuar të lënduar. Drejtuesi dhe pasagjerët kanë mundur të dalin në kohë prej mjetit. Por, një kalimtar është rrëzuar nga bicikleta dhe përplasur, nëdrsa një tjetër person ka mbetur i lënduar lehtë nga një mjet piroteknik.