Në ambientet e veçanta për operacione të kësaj natyre janë djegur 221 pako me lëndë narkotike ,përballë pjestarëve të një komisioni të posaçëm që siç duket nga pamjet e publikuara regjistroinin çdo pako që digjej. Bëhet fjalë për lëndë narkotike, të cilat janë sekuestruar nga Nëndrejtoria e Prokurorisë për Lëndët Narkotike pranë Drejtorisë së Krimit të Organizuar si dhe nga Shërbimet e tjera të Sigurimit. Konkretisht janë shkatërruar dhe djegur rreth 396 kilogramë, 3 kilogramë heroinë dhe pjesa tjetër prej 500 kilogramësh hashash. Asgjësimi është kryer sipas procedurës së përcaktuar dhe në vend të përshtatshëm, ndërsa ky aksion është pjesë e përpjekjeve të vazhdueshme për të luftuar trafikun e drogës me qëllim mbrojtjen e shëndetit publik dhe rritjen e ndjenjës së sigurisë së qytetarëve- thuhet në deklaratën për shtyp të policisë greke.