Të paktën 39 njerëz kanë humbur jetën në një kamp pritjeje të emigrantëve në kufirin mes Meksikës dhe Shteteve të Bashkuara të Amerikës. Zjarri ka rënë gjatë një proteste kundër riatdhesimit të emigrantëve, teksa shumica e njerëzve që kanë humbur jetën, janë me kombësi nga Venezuela. Autoritetet raportuan se protestuesit u vunë zjarrin dyshekëve të qendrës së strehimit, kur mësuan se do të dëboheshin, mirëpo flakët dolën jashtë kontrollit dhe sollën pasojat fatale për 39 njerëz. Në qendrën e emigrantëve raportohet se ishin plot 68 emigrantë, të gjithë meshkuj nga vende të ndryshme të Amerikës së Jugut, të cilët ishin kapur të hënën nga autoritetet meksikane.