Një grua në Alaskë ka përjetuar momente tmerri ndërsa po përdorte tualetin në oborr dhe u sulmua nga një ari...“Unë shkova atje, u ula në tualet dhe dicka më kafshoi sapo u ula”, tha Shannon Stevens për associated pres. “U hodha përpjetë dhe bërtita fort”. Stevens, vëllai i saj Erik dhe e dashura e tij, kishin marrë motorët e borës më 13 shkurt për të qëndruar disa ditë në natyrë, rreth 20 milje në veri perëndim të Haines, në alaskën juglindore. Vëllai i saj kish dëgjuar ulërimen dhe kishte dalë jashtë tendës. Atje kishte gjetur Shannonin, që mbante shtrënguar plagën. Fillimisht menduan se ajo ishte kafshuar nga një ketër apo dicka e vogël, por kur Eriku kishte shkuar të shikonte për cfarë bëhej fjalë kishte parë ariun. Fatmirësisht plaga në të pasmen e Shannonit nuk kish qenë shumë e rëndë. Mëngjesin tjetër, ata kishin parë gjurmë ariu në të gjithë vendin, por vetë ariu ishte larguar. Zyrtarët e departamentit të peshkut dhe kafshëve të egra në alaskë, thanë se me gjasa, bëhej fjalë për një ari të zi, bazuar kjo tek fotot e gjurmëve dhe fakti që një fqinj që jetonte rreth 1 km më tej, kishte raportuar për një ari të zi në pronën e tij, dy ditë më vonë. Edhe pse është dimër, zyrtarët kanë marrë gjatë gjithë kohës raportime për arinj që vinin vërdallë zonave të banuara. Dhe 2020 sipas tyre, ka qenë një vit rekord për sa i takon rasteve kur arinjtë janë shfaqur në zonën e Haines.