Dita e 21-të e protestës, theu çdo pritshmëri. Mijëra qytetarë mbushën të gjithë Bulevarin Dëshmorët e Kombit duke kërkuar njëzëri largimin e kryeministrit Edi Rama dhe kreut demokrat Sali Berisha. Dita e 21 e tubimit ishte për Diasporën, të cilët udhëtuan nga shumë shtete të botës për më shumë se 72 orë për t’u bërë pjesë e kësaj proteste që nuk po ndalet për ditë të tëra. Pankartat, flamujt kombëtar edhe në këtë tubim, nuk munguan ndërsa ishte e pranishme dhe deputetja Marjana Koçeku e cila braktisi pak ditë më parë radhët e grupit parlamentar të PS. Protestuesit thanë se protesta do të vijojë deri në rrëzimin e qeverisë. Ndërsa propozuan: Ngritjen e një qeverie teknike që do t’I hapet rrugë miratimit të kodit zgjedhor. Protestuesit u zotuan për ndërtimin e një Shqipërie më të mirë, pë të ndalur dhe plagën e emigracionit.