Presidenti serb Aleksander Vuçiç ka konfirmuar se Serbisë i janë bërë dy kërkesa zyrtare për ta nisur Dialogun Strategjik me SHBA-në. Pa dhënë shumë detaje, Vuçiç ka deklaruar për mediat në Beograd, se njëra nga kërkesat është e lidhur me energjinë, tjetra ka natyrë më politike. Kërkesat për të nisur Dialogun Strategjik me SHBA-në, u përmendën për herë të parë nga presidenti serb pak ditë më parë, pas një takimi me Vuçiç dhe Sekretarit amerikan të Shtetit, Marco Rubio. Dialogu Strategjik, synon thellimin e bashkëpunimit mes dy vendeve dhe mbulon një mori fushash, nga ekonomia deri te siguria dhe politika e jashtme. Shtetet e Bashkuara e konsideron luftën ndaj ndikimit kinez dhe rus, si njërin prej interesave kryesore në rajonin e Ballkanit Perëndimor. Dialogu Strategjik ishte planifikuar të niste edhe mes Kosovës dhe SHBA-së, mirëpo autoritetet amerikane e pezulluan atë në shtator të vitit të kaluar për një kohë të pacaktuar, për shkak të shqetësimeve lidhur me veprimet e Qeverisë në detyrë në veri të vendit. Dialogu ishte planifikuar për t'i forcuar lidhjet ekonomike dhe diplomatike.