“Zvërneci” ishte pika që mbushi kupën e pakënaqësive të qytetarëve, të cilët kanë hyrë në muajin e katërt të rezistencës së tyre. Në sytë e kryeministrit Edi Rama, revolucioni i flamingove u lexua si një mungesë komunikimi institucional me qytetarët. Duke refuzuar kategorikisht dorëheqjen nga detyra, Rama ju përgjigj protestës me platformën ‘Pasqyrë Albania’ dhe njësinë ‘Besa’, për të dëgjuar dhe adresuar hallet e qytetarëve. Përgjigjia ndaj revoltës qytetare u servir me emra të rinj, por ide të ricikluara të kryeministrit në mandatin e tij të katërt qeverisës. Prej vitit 2017, qeveria ‘Rama’ ka ofruar platformën e bashkëqeverisjes me qytetarët, një hapësirë ku çdokush mund të shkuajë shqetësimet dhe të marrë përgjigje institucionale. Kjo platformë, asokohë u pasqyruar si një sukses i qeverisë, dhe si një formë për të evidentuar hallkat e administratës që nuk funksionojnë. Sinkron Rama (2017-2018): “Platforma të gjen mikun që në momentin e parë. Të gjen mikun edhe sikur të jesh në fund të botës. Dhe nuk të gjen mik dosido, të gjen direkt ministrin. Këtu fle një nga lepujt më të mëdhenj të ferrave të së shkuarës, janë afro 150 raste punonjësish të administratës që kanë marrë ndëshkimet e merituara. Arriti në 10 mijë raste të adresuara nga qytetarët. Kryesisht ankesa të drejtpërdrejta për halle të tyre individuale apo familjare por edhe halle të komunitetit.”