Një ngjarje e rëndë është shënuar në Vlorë, ku një 50-vjeçar është dhunuar fizikisht nga tre persona. Sipas Policisë, ngjarja ka ndodhur rreth orës 15:00, në lagjen “10 Korriku”. Indrit Halili, 34 vjeç, së bashku me dy persona të tjerë, ende të paidentifikuar, për motive që mbeten të paqarta, kanë goditur dhe dhunuar shtetasin 50 vjeçarin. Si pasojë e dhunës, ky I fundit ka marrë disa dëmtime në pjesën e ballit. Ai është transportuar me urgjencë në Spitalin Rajonal të Vlorës, ku ka marrë ndihmën e nevojshme mjekësore. Ndërkohë, shërbimet e Policisë kanë shoqëruar në ambientet e Komisariatit Indrit Halilin, ndërsa vijojnë hetimet për të zbardhur plotësisht rrethanat dhe motivin e konfliktit. Paralelisht, uniformat blu po punojnë për identifikimin dhe kapjen e dy personave të tjerë që dyshohet se kanë marrë pjesë në dhunimin e 50-vjeçarit.