Nënkryetari i Organizatës së Veteranëve të Luftës së UÇK-së, Nasim Haradinaj do të bëjë paraqitjen e parë para gjykatës së Dhomave të Specializuara në Hagë. Seanca do të jetë publike. Haradinaj u arrestua përpara pak ditësh në një lagje të Prishtinës nga Zyra e Prokurorit të Specializuar, nën dyshimin për pengim të drejtësisë. “Për të dyshuarin është lëshuar fletarrestim për vepra penale kundër administrimit të drejtësisë, përkatësisht për frikësim të dëshmitarëve, hakmarrje dhe shkelje të fshehtësisë së procedurës”, thuhet në njoftimin e këtyre dhomave. Në 25 shtator, u prangos edhe ktreu i OVL të UÇK-së, Hysni Gucati, i cili dyshohet po ashtu për pengim të drejtësisë.