Partia Demokratike ka reaguar kundër planit të qeverisë për krijimin e një Dhome Ekonomie Kombëtare, me anëtarësim të detyrueshëm. Duke sjellë në vëmendje qëndrimin e Dhomës Amerikane apo Gjermane të tregtisë, kërkon nga qeveria heqjen dorë nga kjo nismë, që sipas tyre de facto do të drejtohet nga njerëz pranë qeverisë, e kundër interesave të biznesit. SINK Një Dhomë e cila do të drejtohet de facto nga përfaqësues të qeverisë. Duke zhbërë kështu thelbin e çdo dhome Tregtie: mbrojtjen e interesave të biznesit përballë qeverisë. Në modelin e propozuar, ndodh e kundërta. Është qëveria që kërkon të mbrohet nga kërkesat e biznesit. Duke vendosur anëtarësimin e detyrueshëm, shoqëruar nga një tarifë anëtarësimi po e detyrueshme, qeveria në fakt po fut një taksë të re për bizneset shqiptare të cilat përballën me një regjim fiskal, botërisht i ditur problematik, dhe tejet të lartë krahasuar me gjithë rajonin e Ballkanit. Teksa dalin kundër kësaj nisme, demokratët shprehen se një Dhome Ekonomike Kombëtare, e ‘shtetëzuar’, është kundër parimeve të një ekonomie të lirë. Sipas tyre vetëm një sipërmarrje e lirë mund t’i shërbejë ekonomisë së vendit.