Numri I të infektuarve nga Covid-19 në vendin tonë ka ardhur në rënie. Po ashtu dhe numri I viktimave është më I ulët në krahasim me muajin nëntor. Aktualisht në mbarë vendin janë rreth 6400 të prekur, ku mbi 50% e tyre janë vetëm në kryeqytet. Pas saj renditen më pas Fieri dhe Gjirokastra. Kukësi, Dbira dhe Korça janë qarqet me më pak raste në mbarë vendin. Situata në spitalet Covid paraqitet e qëndrueshme, teksa pacientët vijojnë të jenë nën kujdesin e mjekëve. Në shifrat e analizuara nga Ministria e Shëndetësisë periudha 28 nëntor-4 dhjetor kanë humbur jetën 24 pacientë, në krahasim me 50 që u regjistruar në javën paraardhëse. Data 4 dhjetor ishte ajo e cila kishte më pak viktima, duke shënuar 1 humbje jete. Po ashtu në dy javët e fundit raportohen 5414 infektime të reja që llogaritet në 193 infektime për 100 mijë banorë, nga 277 infektime në krahasim me dy javët e para të nëntorit. Në të njëjtën kohë ka vijuar dhe procesi I vaksinimit të popullatës. Ministria e Shëndetësisë bën thirrje të gjithë qytetarëve të vaksinohen. Kjo dhe për faktin e ndonjë rreziku të mundshëm nga variant I ri Omicron.