Pista ajrore Belbek në Krimenë e aneksuar nga rusia, ku edhe ndodhet selia e flotës ruse në detin e zi, u godit nga ukraina këtë mëngjes. Rreth dhjetë raketa ATACMS u lëshuan në gadishullin e aneksuar në një "sulm masiv". Moska u detyrua të pranonte sulmin, por tha se ai ishte zbrapsur. Pavarësisht pretendimeve të moskës, burime ukrainase folën për një zjarr të madh në aeroportin Belbek pas sulmit me raketa. Raportohet për dëmtime në pistë. Edhe banorët vendas kanë raportuar për zjarre në bazë. Zyrtarët lokalë, në sevastopol thanë se po bëheshin përpjekje për të zbrapsur një sulm nga ukraina. Ata thanë se sipas raporteve paraprake, mbrojtja ajrore kishte rrëzuar disa predha mbi det dhe afër aeroportit Belbek. “Të gjitha shërbimet e qytetit janë vënë në gatishmëri të lartë. Pjesëtarët e skuadrave të emergjencave të Sevastopolit e kanë shuar zjarrin e shkaktuar nga rënia e fragmenteve të predhave pranë fshatit Polyushko”, thanë zyrtarët. Ndërkohë Kievi vazhdon të godasë edhe në vende të tjera në rusi. Një sulm i dyshuar ukrainas shkatërroi një stacion energjie që furnizonte një fabrikë të shërbimit sekret të FSB-së një ditë më parë. Pajisjet e sofistikuara të komunikimit dhe sigurisë të përdorura për ushtrinë ruse prodhoheshin në këtë fabrikë. Ndërkohë që në shënjestër kanë qenë edhe rafineritë dhe depozitat e naftës në vend.