Figura e Bekim Sejdiut për president nuk u përqafua nga të gjithë deputetët e LDK-së, pavarësisht dakordësisë mes dy kryetarëve Lumir Abdixhiku dhe Albin Kurti. Pasi gjatë deputetë të Lidhjes Demokratike të Kosovës u shfaqën kundër votimit të Sejdiut për president, kryetari i Vetvendosjes pati një takim me deputetët e forcës politike që drejton dhe atyre të koalicionit parazgjedhor me Guxo dhe Alternativën, nga ku dha këtë koment. Sinkron Kurti: “Kjo është një situatë e re, e cila kërkon që në njërën anë unë të takohem përsëri me kryetarin e LDK-së, dhe në anën tjetër që të rikthehem në kryesinë e Lëvizjes Vetëvendosje për ta diskutuar rrethanën e re dhe rrugën që duhet të ndjekim përpara. Për bindjen time të fuqishme, por edhe të të gjithë deputetëve që ishin të pranishëm sot në mbledhjen e grupit parlamentar, e ishin pothuajse të gjithë, prej 53 sa janë, e konsiderojmë të papërgjegjshme, të dëmshme, absurde një sjellje të tillë të këtyre gjashtë deputetëve” Kurti tha se beson në vullnetin e sinqertë të Lumir Abdixhikut, por shtoi se Kosova rrezikon zgjedhjet e katërta në më pak se 2 vjet.