Deti Marmara është tërhequr me rreth 25 metra në zonën e stambollit cka edhe ka shkaktuar panik mes banorëve lokalë të cilët druajnë se mund të përballen me një tërmet. Zyrtarët turq të mbrojtjes nga tërmetet, gjithsesi, nënvizuan se tërheqja e ujit të detit nuk ka baza sizmike dhe se është e lidhur me fenomene gjeologjike. Universiteti i Inxhinierisë në Stamboll nënvizoi se fenomeni nuk ka lidhje me tërmetin që goditi juglindjen e vendit. “Tërheqja është për shkak të qendrës së presionit të lartë që ndodhet në perëndim të Turqisë, mbi Stamboll ka kohë që era fryn nga veriu në jug, pra në detin Marmara. Për këtë arsye, niveli i ujit është në rënie dhe po tërhiqet në bregun verior të detit Marmara në drejtim të Avcilarit, ndërsa niveli është në rritje në bregun jugor të detit të lartpërmendur”, thuhet në njoftimin e universitetit.