Një atentat me armë zjarri gjatë mbrëmjes së të dielës, rreth orës 20:40, në zonën e njohur si ‘Pallati me shigjeta’, la të vdekur një person. I vrarë ka mbetur 56-vjeçari, Bujar Nasufi, i cili rezulton të jetë person pa precedent penal dhe i paskeduar më parë për policinë. Viktima mësohet se po shkonte për në shtëpi, teksa është qëlluar me armë zjarri 6 herë në drejtim të tij, por vetëm dy plumba e kapën. Bujar Nasufi ndërroi jetë gjatë rrugës për në spital, ndërsa autor dyshohet se ka qenë vetëm një person, I cili ka qenë I maskuar dhe pasi ka qëlluar objektivin është larguar me një motomjet drejt zonës së Selitës. Automjeti i viktimës është dërguar në Policinë shkencore ku do të kryhet ekspertiza. Paraprakisht pista ku po hetohet ngjarja është ajo e konfliktit për prona. Bujar Nasufi shënon viktimën e dytë për vitin 2025 në vend, pas vrasjes së Ramazan Matës në Shkodër.