Prej mëngjesit të së martës (6 gusht 2024) në rajonin Kursk të Rusisë, që kufizohet me Ukrainën verilindore, po zhvillohen luftime të ashpra. Organet e qeverisjes rajonale kanë shpallur gjendjen e jashtëzakonshme. Sipas Ministrisë ruse të Mbrojtjes, trupat ukrainase kanë depërtuar në territorin rus dhe se kanë kapur ushtarë rusë ndërsa kanë humbur të paktën një helikopter Ka-52. Autoritetet ruse pretendojnë se e kanë "ndaluar përparimin e trupave ukrainase" dhe se e kanë "situatën nën kontroll”. Sipas ekspertëve ushtarakë, ky sulm në territorin rus do ta dobësojë ushtrinë ruse në frontin kryesor në Ukrainë, sepse Rusisë do t'i duhet të zhvendosë disa nga trupat e saj. Sipas DË, presidenti Vladimir Putin në një takim me dyer të mbyllura të Këshillit rus të Sigurimit, mund të ketë diskutuar për një dështim të shërbimit sekret rus në gjurmimin e lëvizjeve të trupave ukrainase pranë kufirit.