Ministria britanike e Mbrojtjes tha këtë mëngjes se gjenerallejtënant, Serhiy Kisel, që udhëhiqte një njësi elite të tankeve, është pezulluar nga detyra për shkak të dështimit për të marrë kontrollin e Harkivit. Kjo ministri tha se Kisel është një prej disa zyrtarëve të lartë ushtarakë rusë që në javët e fundit janë larguar nga puna për shkak të performancës së dobët në fazën e parë të pushtimit të Ukrainës. Në mesin e komandantëve rusë, që ka të ngjarë që janë larguar nga puna, është edhe zëvendësadmirali Igor Osipov, i cili udhëheq flotën ruse në Detin e Zi. Ai besohet se është larguar nga puna pasi luftanija ruse, Moskva, u fundos në prill, tha inteligjenca ushtarake britanike. Valeriy Gerasimov, shefi i Shtabi të Përgjithshëm i ushtrisë ruse, me gjasë është ende në këtë post, tha Britania, duke shtuar se është e paqartë nëse ky gjeneral ka ende besimin e presidentit rus, Vladimir Putin.