Leart Haxhiu, I cili u ekstradua këtë të mërkurë nga Greqia, akuzohet si autor i masakrës së Lushnjës. Ngjarje kjo e ndodhur në 2017. 32-vjeçari i njohur ndryshe si rivali i Aldo Bares, ish-kreut të bandës së Lushnjës, vrau Zamir Latifin dhe Jurgen Hoxhën si dhe plagosi Marjus Xhepexhiun dhe Bujar Turkun. Shënjestër e atentati ishte Xhulio Shkurti, nipi I Aldo Bares që mundi të shpëtojë. Krimi ndodhi në lagjen “loni Dhamo”. Autorët ishin me një makinë tip benz ngjyrë gri, kur tre prej tyre zbritën e hapën zjarr në drejtim të lokalit ku ndodhej Xhulio Shkurti. Pas sulmit me armë zjarri, tre ekzekutorët, të cilët nga hetimet dhe gjykimi kanë rezultuar të jenë të pandehurit Orgest Bilbili, Laert Haxhiu dhe Anterio Kaloshi, me automjetin e tyre u larguan nga vendi i ngjarjes. Po ashtu laerti akuzohet dhe si autor I një plagosjeje të dyfishë të ndodhur në vitin 2016 po në qytetin e Lushnjës, pwr tw cilin gjuykata e ka dwnuar me 18 vite burg nw mungesw. Ai u fundos përfundimisht pas dëshmisë së të penduarit Artan Tafani, i cili rrëfeu përfshirjen e të dyve, por edhe një grupi të madh personash në 16 ngjarje kriminale, mes të cilave 4 vrasje në Shqipëri dhe 2 të tjera në Greqi. Mes rrëfimit ishte dhe planifikimi i Haxhiut për të vrarë persona të drejtësisë, përfshirë prokuroren e SPAK, Doloreza Musabelliu, dhe atë të Lushnjës, Merita Selimi, për të cilat me urgjencë të madhe u mor vendimi për mbrojtjen e tyre.