Blerta Josifi, e mbijetuara e tragjedisë së vetëflijimit të Kombinatit ka dhënë dëshminë e saj me të dhëna tronditëse. Ajo ka treguar se motra e saj Anisa ka ndërruar jetë në 29 marsin e vitit 2019, teksa qëndroi plot 52 ditë pa ngrënë dhe pa pirë. Ndërsa për nënën e saj, Zhaneta ka pohuar se gjeti vdekjen në datën 2 korrik, në të njëjtën ditë që ato u gjetën nga forcat zjarrfikëse që shfrytëzuan hyrjen nga dritarja, pasi dera nuk hapej. Vajza e mbijetuar ka pohuar se motra e saj, Anisa, ka vdekur 15 muaj më parë. Anisa trupi i i të cilës u gjet gjysmë i dekompozuar së bashku më të motrën Blertën rezulton se nuk kanë dalë kurrë jashtë shtetit, një e dhënë kjo e konfirmuar në sistemin TIMS. Por ndërkohë që brenda banesës kishin mbetur ende gjurmët e tragjedisë që u konsumua pas këtyre mureve, këtë të martë nisi edhe nxjerrja e objekteve nga banesa, mes tyre edhe dysheku ku dergjeh e pajetë për muaj me radhë Anisa Josifi.