Gjermania po vijoj me shpejtësi reformat dhe ndryshimet e ligjeve në kuadër të procesit të shkëputjes së varësisë energjitike nga Rusia, njohur edhe si ‘derusifikim’. Në kuadër të këtij procesi, Berlini planifikon të ndryshojë ligjin për sigurinë energjetike në mënyrë që të mundësojë shitjen e shpejtë të aksioneve të grupit energjetik rus Rosneft në rafinerinë Shvet dhe të shmangë shtetëzimin e saj. Në shtator të vitit të kaluar, qeveria mori përsipër filialin e Rosneft, duke ia besuar menaxhimin e rafinerive të saj në Shvet, Karlsruhe dhe Vohburg tek rregullatori vendas i energjisë. Në tetor, Rosneft ngriti një padi. Rosneft Deutschland përbën rreth 12 për qind të kapacitetit të përpunimit të naftës në Gjermani dhe zotëron ndër rafineritë më të mëdha të vendit. Rafineria në Shvet është pa dalje në det, është e katërta më e madhe në Gjermani, ajo plotëson 90 për qind të kërkesës së Berlinit për karburant dhe gjithashtu furnizon pjesë të Polonisë me karburante. Qeveria gjermane tani po përgatit terrenin për shitjen e aksioneve të Rosneft në rafineri, duke shmangur shtetëzimin e saj, gjë që kërkohet me ligj, pasi qeveria ka emëruar një administrator shtetëror. Për këtë arsye ata po planifikojnë ndryshime në ligjin për sigurinë energjetike, sipas të cilit kushti i shtetëzimit nuk do të zbatohej nëse shitja e aseteve është e nevojshme për të siguruar funksionimin normal të sektorit energjetik gjerman. Rosneft zotëron 54 për qind të aksioneve të rafinerisë, ndërsa aksionerë të tjerë më të vegjël janë holandezja Shell dhe kompania italiane ENI. Pamjet: AFP