Gjermania do të dërgojë gjashtë helikopterë në ukrainë, të marrë nga inventari ushtarak i saj, dhe që pritet të mbërrijnë në frontin e luftës në tre mujorin e dytë të këtij viti. Lajmin e konfirmoi ministri gjerman i mbrojtjes, boris pistorius, sipas të cilit kjo do të jetë edhe dërgesa e parë e këtij lloji nga gjermania. Helikopterët, të quajtur Mbreti i detit, ose ‘Sea King’, duhet të ndihmojnë ukrainën në shumë plane, që nga mbikqyrja në detin e zi e deri tek transporti i ushtarëve – tha Pistorius. Ministri foli në një takim të grupit të kontaktit për mbrojtjen e ukrainës, ku më shumë se 50 shtete dhe organizata planifikojnë kapacitetet në vijën ukrainase të frontit. Gjermania dhe franca kanë udhëhequr koalicionin për sa i takon mbrojtjes ajrore, që nga nëntori. “Për mbrojtjen e popullit ukrainas dhe infrastrukturës së vendit, mbrojtja ajrore vazhdon të jetë prioriteti numër 1. Ne po ashtu duhet të përshpejtojmë edhe prodhimin e armatimeve”, tha Pistorius.