Një klerik i lartë iranian ka lëshuar një fetva kundër Presidentit Donald Trump dhe Kryeministrit Benjamin Netanyahu, ku bën thirrje për vdekjen e tyre. Në dekretin fetar islamik, Ajatollahu i Madh Naser Makarem Shirazi i etiketoi të dy udhëheqësit si “armiq të Zotit”. Kleriku shiit lëshoi ​fatvan pas luftës 12-ditore midis Izraelit dhe Iranit, së cilës iu bashkuan edhe SHBA, pas sulmeve ushtarake amerikane kundër Teheranit. Në Fatva thuhet se Trump dhe Netanyahu "kanë bërë luftë kundër Allahut dhe duhet të pendohen për fjalët dhe veprimet e tyre. Ata që kërcënojnë udhëheqjen dhe integritetin e Umetit Islamik duhet të konsiderohen mohareb", shton Fatva. Sipas kodit penal iranian, moharebi; dikush që bën luftë kundër Zotit, duhet të ndëshkohet me "ekzekutim ose kryqëzim" ose të përballet me "prerje të dorës së djathtë dhe këmbës së majtë ose dëbim". Fatva gjithashtu ndalon çdo mysliman të bashkëpunojë ose të mbështesë dy udhëheqësit dhe thotë se çdo xhihadist që vritet duke i sulmuar ata do të marrë një shpërblim nga Allahu.