Një emigrant shqiptar në Londër është dënuar për plagosjen me thikë të një të riu 20-vjeçar, pas një sherri për çështje parash në qendër të Londrës. Mediat britanike raportojnë se Klaudio Kacubaj, 27 vjeç banues në Leeside Crescent, është dënuar me 4 vite e 6 muaj burg. Ai u shpall fajtor për vrasje me dashje dhe mbajtje të një thike, ngjarje e ndodhur më 14 shtator 2020. për këtë ngjarje policia u njoftua përmes telefonit ku u vu në dijeni se një i ri ishte plagosur rëndë në qendër të Londrës në Leicester Square. Gjykatës iu tha se Kacubaj u përfshi në një sherr me viktimën 20-vjeçar dhe pasi e vendosi pas murit e goditi disa herë më thikë në kurriz e më pas u largua me shpejtësi. Incidenti u pa nga një punonjës policie, i cili atë moment nuk ishte me shërbim, por u përfshi në ndalimin e shqiptarit deri në mbërritjen e kolegëve të tij. Nga kontrolli i zonës u gjet thika me të cilin Klaudio Kacubaj kreu krimin. Oficerja e policisë që hetoi ngjarjen tha se viktima ishte me fat që nuk mori plagë edhe më të rënda duke nënvizuar se masa e dënimit dhënë agresorit do të jetë ngushëlluese për të, duke çuar mesazhin se të tilla krime ne nuk i tolerojmë.