Ministri I jashtëm grek, Nikos Dendias iu drejtua parlamentit në seancën plenare ku diskutohet projektligji I qeverisë mbi zgjerimin në zonat detare, duke thënë se do të ketë dhe një ekspansion në ujrat territoriale të Kretës. Për një zgjerim të tillë, theksoi dendias, kryeministri ka muaj që është pozicionuar. Shefi I diplomacisë greke iu referua dhe shtrirjes më 12 miljë detare të Greqisë në detin Jon. Ai tha se përmes këtij projektligji, Greqia e zgjeron territorin e saj me 13 mijë kilometra katror, e për këtë arsye kërkoi nga deputetet votë unanime. “Zgjerimi i hapësirës detare në 12 mijë na bën të fitojmë rreth 10,079 kilometra katrorë territor. Nëse nëse kësaj i shtojmë edhe mbylljen e gjireve, vendim ky I marrë pak ditë më parë nga Greqia, atëherë zgjerimi kapërcen 13 000 kilometrat katrorë. Nëse marrim në konsideratë se totali i territorit tonë është 135.000 kilometra katrorë, besoj kuptohen më mirë përmasat e kësaj zone”, u shpreh ai. Zgjerimin e kufirit detar grek në perëndim, Dendias e përshkruan si një të drejtë të paprekshme të sovranitetit të Greqisë, e thotë se për këtë, Athina nuk kërkon negociata me vendet e tjera. Dendias do të dëshironte të shpallte edhe zonën dymbëdhjetë miljesh në Egje. Por vendi fqinj Turqia kërcënon me luftë. Ministri i brendshëm grek Jorgos Gerapetritis I siguroi parlamentarët se kufiri detar do të zgjerohet edhe në Egje "kur të jetë koha e duhur". Fakti që Greqia tani po i zgjeron të drejtat e saj sovrane në Perëndim, gjashtë ditë para se të rinisin bisedimet me Turqinë, po shihet dhe si mesazh në drejtim të Ankarasë.Parlamenti grek vendos për zgjerimin e territorit ujor të Greqisë në Detin Jon, nga gjashtë në dymbëdhjetë milje detare, dhe këtij hapi, thotë DW, i parapriu pikërisht një marrëveshje paraprake me Shqipërinë.