Ministri i jashtëm grek Nikos Dendias, do të mbërrijë në Odesa, në krye të një misioni humanitar ndihmash në qytetin port në jug të Ukrainës. Ndihma humanitare do ti dorëzohet autoriteteve lokale të qytetit. 62 vjecari Dendias, po ashtu planifikon të krijojë një mekanizëm të qëndrueshëm të shpërndarjes së ndihmave nga greqia dhe të rihapë konsullatën e vendit në këtë qytet, tha ministria e jashtme greke. Raketat goditën Odesën në orët e para të së dielës ndërkohë që Dendias, ka thënë muajin e shkuar, se ai planifikonte të udhëhiqte një mision ndihmash humanitare në qytetin e rrethuar të Mariupolit në Ukrainë, ku me mijëra grekë etnikë jetojnë. Por luftimet intensive atje kanë bërë që destinacioni të ndryshojë për tiu drejtuar Odesës. Të paktën 10 grekë etnikë janë vrarë dhe disa të tjerë janë plagosur që kur rusia nisi sulmet mbi Mariupol. Më shumë se 150 qytetarë grekë janë evakuuar ndërkohë nga rajoni sipas qeverisë greke. Trupat ukrainase kanë rimarrë nën kontroll më shumë se 30 qytete dhe fshatra përreth Kievit tani, por jugu dhe lindja e vendit janë në shënjestrën e sulmeve ruse.