Suedia i ka kërkuar zyrtarisht Kinës që të bashkëpunojë me një hetim për dëmtimin e dy kabllove në Detin Baltik, pasi dyshohet se në këtë rast është përfshirë një anije kineze. Kabllot - njëri që lidh Suedinë me Lituaninë dhe tjetri Finlandën dhe Gjermanisë - u dëmtuan në ujërat territoriale suedeze më 17 dhe 18 nëntor. Anije kineze, Yi Peng Three, besohet të ketë qenë në zonë në atë kohë dhe që prej asaj dite është ankoruar në ujërat ndërkombëtare jashtë Danimarkës. Pekini ka mohuar çdo përfshirje në sabotim dhe të premten tha se ishte i gatshëm të punonte me Suedinë dhe vende të tjera për të zbuluar se çfarë ndodhi. Yi Peng Three u largua nga porti rus i Ust-Luga, në perëndim të Shën Petersburgut, më 15 nëntor. Në fillim të 17 nëntorit, kablloja Arelion midis ishullit suedez të Gotland dhe Lituanisë u dëmtua. Ndërsa një ditë më pas të njëjtin fat pati dhe kablloja C-lion. Të dhënat nga faqet gjurmimit në internet tregojnë se Yi Peng Three lundroi në këtë zonë gjatë kohës që ato u dëmtuan. Sipas Ëall Street Journal, hetuesit dyshojnë se anija i dëmtoi qëllimisht kabllot duke hedhur spirancën e saj përgjatë shtratit të detit dhe duke e tërhequr për më shumë se 160 km.