Prej orës 08:00 të mëngjesit të kësaj të diele deri në orën 18:00, demokratët u janë drejtuar sërish kutive të votimit. Anëtarët e Partisë Demokratike në të gjithë vendin, do të votojnë këtë të diel për kryetarin e ri të kësaj force politike, që do ti drejtojë për një mandat 4-vjeçar. Në këtë proces garojnë 2 kandidatë, përkatësisht lideri historik i Partisë Demokratike, Sali Berisha, i cili rikthehet, pas dorëheqjes së tij në veitin 2013 me humbjen e zgjedhjeve, dhe Ibsen Elezi, ish-kryetari i PD Dega Kukës. Ende nuk dihet numri i plotë i demokratëve me të drejtë vote, pasi nuk kanjë listë të saktë, e për këtë Komisioni i Zgjedhjeve në PD ka vendosur të përdorë listat e vitit 2019 për 108 qendrat e votimit të hapura. Ndërkohë po ashtu mund të votojë çdo demokrat i pajisur me kartë anëtarësie, edhe nëse nuk e ka emrin në listë.