Partia Demokratike ka reaguar lidhur me vendimin e KPK, që sipas përfaqësuesit ligjor të saj Ivi Kaso, I jep të drejt PD-së së Rithemelimit për vulën. Kaso thekson se sipas Komisionit të Pavarur rë Kualifikimit, gjyqtarja Blerina Muça ka legjitimuar Enkelejd Alibeajn në çështjen e vulës në Apel, në shkelje të Kodit të Procedurës Civile, e për këtë bën thirrje që gjykata të vendosë sipas ligjit. KPK sqaron se Blerina Muca nuk duket bindëse në shpjegimet e saj dhe se ka legjitimuar një palë në kundërshtim me Kodin e Procedurës Civile. Ky vendim i zbardhur i KPK, jo vetëm legjitimon qëndrimet e Partisë Demokratike për ish-gjyqtaren Muca, por qartëson edhe njëherë se kujt i takon me ligj vula dhe përfaqëimi i Partisë Demokratike, dhe se si simbolet e saj janë marrë peng nga disa gjyqtarë te korruptuar me urdhra politikë. KPK e thotë qartë se Alibeaj nuk ishte palë dhe nuk mund të njihej si palë dhe se nuk kishte tagër përfqësimi, duke lënë kështu në fuqi vendimin e gjykatës së shkallës së parë.