Top News – Demokratët dy herë në votim për primaret! /6 degë me 1 kandidat, 29 rrezikojnë balotazhin

Edhe pse i kundërshtuar nga një pjesë e anëtarëve të Këshillit Kombëtar të Partisë Demokratike, balotazhi është rregulli i ri që do të aplikohet në procesin e primareve. Ky rregull parashikon që nëse askush prej kandidatëve, në rastin kur janë më shumë se 2 të tillë, nuk grumbullon 50% + 1 të votave, 2 më të votuarit do të duhet t’u nënshtrohen sërish votimeve. Nisur nga ky rregull, nuk janë pak, por 29 Degë të PD, që në garën e brendshme për aspirantët për kryetar bashkie, kanë më shumë se 2 kandidatë. Bashkia me më shumë kandidatë është ajo e Krujës, me plot 11 të tillë, teksa ndiqet nga Tirana e Kurbini me nga 7 figura pretendente.