Procesi i rindërtimit në Tiranë po ecën me hapa të shpejtë, pasi në mbledhjen e fundit të Këshillit Bashkiak u morën edhe tre vendime të rëndësishme, që përshpejtojnë futjen në banesat e reja, brenda Vitit të Ri, të pjesës më të madhe të familjeve që i humbën ato në tërmetin tragjik të 26 Nëntorit. Kryetari i Bashkisë së Tiranës, Erion Veliaj, në fjalën e tij drejtuar anëtarëve të Këshillit Bashkiak në mbledhjen e zhvilluar online, u shpreh se, pas menaxhimin me sukses të krizës për tërmetin e shtatorit, është gati lista me 250 shtëpi të reja individuale, lista me 1500 pagesa ‘cash’ për raparimin e banesave me dëmtime më të lehta, si dhe një listë me 21 familje që humbën shtëpitë, të cilat do të vijojnë të përfitojë bonusin e qirasë të financuar nga Bashkia e Tiranës, derisa të marrin çelsat e banesës së re, që do ringrihet përmes fondeve të rindërtimit.