Shirat e rrëmbyeshëm që mbërthyen vendin përgjatë kësaj jave nuk lanë pas vetëm dëme të mëdha materiale, por shkaktuan dëme edhe në blegtori e bletari. Në qarkun Vlorë dhe Elbasan u prekën bagëti të imta nga përmbytjet si dhe dhjetra qindra bletësh. Nga verifikimet paraprake të kryera në terren, në Vlorë u konstatuan 889 krerë të imta të prekura si dhe 523 koshere bletësh. Ndërsa në Elbasan sipas të dhënave që përcolli autoriteti kombëtar i veterinarisë, u prekën 37 krerë të imta dhe 7350 shpendë broiler. Drejtoria e Përgjithshme e Autoritetit Kombëtar të Veterinarisë dhe Mbrojtjes së Bimëve bëri me dije bilancin e gjithë rajonit, ku në total përmbytjet prekën 926 krerë të imta, 523 koshere me bletë dhe 24 mijë e 350 shpendë. Reshjet e dendura të shiut të cilat shkaktuan situata të rëndë në disa qarqe, cuan në ngordhjen e 600 krerëve zogj broiler si dhe të 37 krevë të imta në Njësinë Administrative Vithkuq. Shërbimi Veterinar bëri me dije se marrë të gjitha masat e nevojshme për groposjen e tyre dhe dezinfektimin e fermës. Ndërsa sa i përket drejtorive rajonale Tiranë, Shkodër dhe Vlorë, nuk ka pasur raste të reja.