Kreu i diplomacisë polake, Radoslaë Sikorski, i bëri thirrje Gjermanisë që të rrisë ndihmën për Ukrainën dhe t'i japë asaj raketa Taurus, duke shpjeguar se është më mirë të ndalet presidenti rus Vladimir Putin në Ukrainë sesa të arrijë në kufijtë polakë. Në atë rast, shtoi ai, Putin do të bënte të njëjtën gjë si lideri nazist Adolf Hitler me Çekosllovakinë para Luftës së Dytë Botërore. Në një intervistë për gazetën gjermane Bild, Sikorski paralajmëroi se Perëndimi është përballë një zgjedhjeje, të mundë ushtrinë ruse brenda kufijve të ukrainës, apo ta shohë ushtrinë fitimtare të putinit në kufijtë e polonisë.