Gjykata e Apelit ka liruar nga burgu ish shefin e komisariatit të Policisë Sarandë, duke i ndryshuar masën e sigurisë nga arrest në burg në detyrim për paraqitje. Pas kërkesës së avokatit Sokol Tahiraj, gjyqtarja Natasha Mulaj vendosi të lirojë Bashllarin, i arrestuar që prej 19 majit. AMP e arrestoi Bashllarin nën dyshimet për shpërdorim detyre, në lidhje me ndërtimet pa leje në zonën e Sarandës dhe Ksamilit. Ish-shefi i Komisariatit të Sarandës u arrestua së bashku me tre inspektorë të tjerë të Policisë së Sarandës, në kuadër të hetimeve për ndërtimin pa leje të një beach bari, i cili u shemb nga IKMT më 18 maj 2026. Gjykata e Sarandës caktoi masën “arrest në burg” për Gëzim Bashllarin dhe Robert Cullajn, ndërsa për Ajdin Islamajn dhe Andi Duron vendosi masën “arrest në shtëpi”. Lidhur me rastin u lirua nga detyra edhe shefi i Krimeve në Sarandë, Blerim Tafçiu.