Kandidati për deputet i Partisë Demokratike në qarkun e Dibrës, njëherazi edhe ish kryetari i Bashkisë të Kamzës, Xhelal Mziu ka bërë një deklaratë të fortë, e cila ka hapur jo pak diskutime. Gjatë një tubimi elektoral në Dibër, Xhelal Mziu deklaroi para mbështetësve demokratë se me çdo person që tenton të kryejë shitblerje të votave do të ndodhë po e njëjta situatë si ajo me Pjerin Xhuvanin në Elbasan. Pas deklaratës shokuese Mziu kërkoi ndjesë publike duke theksuar se ishin emocionet e forta të momentit ato që e shtynë të bënte një deklaratë të tillë.