Ushtruesja e detyrës së presidentes së Kosovës, Vjosa Osmani deklaroi se do të shfuqizojë vendimet e ish-presidentit Thaçi që bien ndesh me praktikat diplomatike. Deklarata e saj u bë pas raporteve ne media mbi emërimin si Konsull i Përgjithshëm në Pragë, të Flakron Shalas, djali i deputetit Haxhi Shala. Osmani, thotë se vazhdimisht ka kërkuar nga qeveria që të shqyrtojë dokumentet për shërbime diplomatike, por "ende nuk ka fituar qasje në këtë material”."Konsullata e Përgjithshme në Pragë dhe emërimi i Konsullit të Përgjithshëm aty, janë në kundërshtim me çdo praktikë diplomatike dhe konsullore të vendeve demokratike. Nuk mund të hapen Konsullata të Përgjithshme në të njëjtin qytet ku kemi edhe Ambasadë. Fatkeqësisht, ky nuk është rasti i vetëm. Është praktikë e mbrapshtë, të cilën duhet ta kthejmë mbarë. Prandaj ato dekrete do të shfuqizohen”, shkroi Osmani në një postim në Facebook. Emërimi i Flakron Shalës, në pozitën e Konsullit të Përgjithshëm në Pragë, është kundërshtuar edhe nga disa organizata të shoqërisë civile në Kosovë. Deputeti Haxhi Shala, u bë subjekt i një debati publik, për faktin se vota e tij ishte vendimtare per qeverinw aktuale të drejtuar nga kryeministri Avdullah Hoti, nw njw kohw kur mw herwt, kishte deklaruar se do të votonte kundër qeverisë Hoti. Vetw Shala pat thwnw se kishte ndryshuar mendimin për ta votuar qeverinë, pasi kishte takuar me Thacin dhe kryetarin e Aleancës për Ardhmërinë e Kosovës, Ramush Haradinaj. Pamjet: AFP