Në pesë vjetorin e themelimit të SPAK, Altin Dumani bëri bilancin e strukturës. Ai tha se janë proceduar 61 zyrtarë të lartë për akuzën e korrupsionit, ku 70 për qind e tyre janë dërguar për gjykim. Dumani: “Janë proceduar 61 zyrtarë të lartë për korrupsion, nga të cilët 70% janë dërguar në gjykim. Sa i përket krimit të organizuar, janë proceduar 955 persona nga ku 55% e tyre janë dërguar në gjykim. Në fushën e terrorizmit, janë proceduar 29 persona nga ku 100% e tyre janë dërguar në gjykim. Një përgjigje e pati edhe për akuzat se po godet politikisht. Dumani: Nëse dikush mendon se drejtësia është e njëanshme, gabohen. Ne veprojmë bazuar në ligj dhe duke respektuar të drejtat e njeriut. Kreu i Prokurorisë së Posaçme foli edhe për përpjekjet për të goditur SPAK-un. Dumani - “Jemi përballur me përpjekje për ta minuar punën tonë, me fyerje, shpifje, kërcënime ndaj nesh apo familjarëve tanë. Por përballë këtyre jemi mbledhur bashkë si një trupë e vetme kolegësh. Deklaratat u bënë gjatë një aktiviteti për 5 vjetorin e ngritjes së Prokurorisë së Posaçme, ku pjesëmarrës ishin edhe zv.ndihmës sekretari amerikan i shtetit për Ballkanin Perëndimor, Aleksandër Kasanof dhe ambasadori i BE në Tiranë, Silvio Gonzato.