Presidenti amerikan Donald Trump, shkarkoi këshilltarin e tij të sigurisë kombëtare, Mike Ëaltz, të enjten dhe emëroi Sekretarin e Shtetit, Marco Rubio, si zëvendësuesin e tij të përkohshëm, në riorganizimin e parë të madh të rrethit të ngushtë të tij që kur mori detyrën në janar. Trump, në një postim në rrjetet sociale, tha se do ta nominonte Ëaltzin, ambasadorin e ardhshëm të SHBA-së në Kombet e Bashkuara, duke shtuar se "ai ka punuar shumë për të vënë interesat e kombit tonë në radhë të parë". Më herët gjatë ditës, burime të shumta thanë se Trump kishte vendosur ta shkarkonte Ëaltz nga posti i tij i këshilltarit të sigurisë kombëtare. Ish-ligjvënësi republikan nga Florida ishte përballur me kritika brenda Shtëpisë së Bardhë, veçanërisht pasi u përfshi në një skandal në mars që përfshinte një bisedë në aplikacionin Signal mes ndihmësve kryesorë të sigurisë kombëtare të Trump.