Bonje Hercegovina ka urdhëruar dy diplomatë serbë të largohen nga vendi brenda 48 orëve, duke i akuzuar se kanë kaluar vijat e kuqe duke lartësuar Ratko Mlladiç, të dënuarin për gjenocid dhe krime të tjera lufte në Bosnje. “Ata kanë 48 orë nga ora 14:00 për t’u larguar nga Bosnje e Hercegovina, ne do t’ua anulojmë kartat diplomatike në Bosnje. I bëjmë thirrje trupit diplomatik të mos bashkëpunojë më me ta”, tha Ministri i Punëve të Jashtme i Bosnje e Hercegovinës, Ellmedin Konakoviq, në një konferencë të jashtëzakonshme për shtyp të martën. Ministria e Jashtme e Serbisë tha se vendimi i Konakoviqit “nuk kontribuon në marrëdhëniet e fqinjësisë së mirë, stabilitetin rajonal ose qetësimin e domosdoshëm të tensioneve politike”. Duke komentuar zhvillimet në Serbi gjatë ditëve të fundit në lidhje me glorifikimin e Mlladiqit, i cili u varros me nderime shtetërore dhe ushtarake të hënën, Ministria e Punësve të Jashtme të Bosnjes tha se Ata i kaluan të gjitha vijat e kuqe’. Po ashtu, njoftoi se është tërhequr pëlqimi për deklaratën e përbashkët mbi marrëdhëniet e fqinjësisë së mirë dhe bashkëpunimin rajonal, e cila duhej të nënshkruhej më 1 tetor në Mal të Zi. Tribunali i Hagës e dënoi Mlladiç me burgim të përjetshëm për gjenocid, krime të luftës dhe krime kundër njerëzimit, në qershor 2021. Ai u shpall fajtor për gjenocidin e kryer kundër rreth 8.000 boshnjakëve në Srebrenicë, një zonë e mbrojtur nga OKB-ja, në verën e vitit 1995.