Nëse duhen mbajtur apo jo maskat në rrugë është tashmë pista, ku janë hedhur mjaft mendime nga ekspertët. Ka nga ata që e cilësojnë të padobishme një gjë të tillë, ndërsa autoritetet shëndetësore dhe komiteti i ekspertëve thonë se maska mbron përhapjen e virusit. Ministrja e Shëndetësisë Ogerta Manastirliu ka publikuar në Facebook mesazhin e ekspertit të Shëndetit Publik, Alban Ylli, i cili shpjegon disa arsye për vendimin e mbajtjes së maskave në të gjitha ambientet. “Në javët e para të pandemisë ka pasur një shqetësim nga OBSH lidhur me humbjen e mundshme të stokut të maskave të cilat në atë kohë ishte për të mbrojtur mjekët dhe infermierit. Ka evoluar edhe njohuria që ne kemi lidhje me maskat. Gjithmonë e më tepër ne dimë mbi efikasitetin e tyre. Të mos harrojmë që qasja kryesore për frenimin e pandemisë në pranverë ishte izolimi social, shtetrrethimi dhe maskat ishin mjet i dorës së dytë në atë kohë. Autoritetet shëndetësore thonë se për momentin maskat janë instrumenti kryesor, së pari për lehtësimin e pasojave të koronavirusit dhe së dyti për kostot e ulëta sociale. Ka shumë mjekë të tjerë, të cilët më shumë se maskat thonë se distancimi fizik dhe higjiena personale janë më shumë masa mbrojtëse.