Një debat i fortë publik është zhvilluar në distancë midis deputeti Myslim Murrizi dhe ish-drejtoreshës së Tatimeve, Brisida Shehaj, që tashmë ka marrë post drejtues tek Lëvizja Sociliste për Integrim. Gjatë fjalës së tij në Kuvendin e Shqipërisë, deputeti Myslim Murrizi përmendi kalimin e ish-drejtoreshës së Tatimeve nga PS tek LSI. Thumbi i Murrizit nuk kaloi pa marrë përgjigje nga Shehaj, e cila në një postim në rrjetet sociale ironizoi deklaratën e deputetit, duke e etiketuar deputetin si zëdhënës të Rilindjes Debati mes Murrizit dhe Shehajt nuk mori fund me aq, pasi deputeti I opozitës parlamentare nuk ka ngurruar të kthejë një përgjigje të fortë, edhe ai nëpërmjet rrjeteve sociale. Në një postim që e ka titulluar: “Një përgjigje për Brisidën famoze ish-drejtoreshën e tatimeve 2013-2017 të rilindjes që sot është konvertuar me klering nënkryetare e LSI”, ndër të tjera deputeti shkruan se: “për mbiemër Brisi nuk po përpiqem të të huazoj sipas atyre që ke ndenjur, sepse do të me duhej te përmendja gjysmën e mbiemrave te Kombinatit dhe gjithë Kodrën e Diellit”. Murrizi e cilësoi ish-drejtoreshën e Tatimeve si “bletën punëtore” të Ramës, e cila tanimë që çon mjaltin në kosheren e Metës.