Konferenca e Kryetarëve në Kryesinë e Kuvendit, është zhvilluar me debate mes opozitës e maxhorancës. Kreu I grupit parlamentar të Partisë Demokratike, Gazment Bardhi, e akuzoi kryeparlamentarin Niko Peleshi, për shkelje të vazhdueshme të Kushtetutës e Rregullores, duke mos paraqitur në konferencë, interpelancën urgjente të kërkuar me kryeministrit Edi RAma. Keni sjellë rendin e ditës, por mungojnë dy çështje që i keni detyrim. E para, interpelanca urgjente me Kryeministrin. Kjo duhej të ishte pika e parë e rendit të ditës, dhe duke mos e përfshirë, ju keni shkelur në mënyrë flagrante Kushtetutën dhe Rregulloren e Kuvendit. E dyta, është e vërtetë që nuk kemi gjetur konsensus për dy mocione në Konferencën e Kryetarëve. Megjithatë, Rregullorja ju detyron që kërkesat për mocionet të vijnë në Kuvend dhe të hidhen në votim. Sipas Bardhit, edhe pse është marrë besimi për të qenë kryetar Kuvendi, prej një muaji ai po shkel Kushtetutën. Nga ana tjetër, kreu I grupit të PL, Tedi Blushi kërkoi debat këtë të enjte, për situatën e sigurisë në vend.