Martesa e Britney Spears dhe Sam Asghari po kalon në një tjetër krizë. Çifti i famshëm, i cili u martua në një ceremoni luksoze qershorin e kaluar, thuhet se po kalon një fazë të vështirë, pasi këngëtarja godet bashkëshortin e saj. Çifti është përfshirë në zënka të shpeshta, si pasojë e të cilave kërkohet mjaft shpesh ndërhyrja e policisë. Madje burime për mediat konfirmojnë se aktori rrallëherë qëndron më me Spears në shtëpi. Përfaqësuesit e dyshes ende nuk kanë bërë deklarata zyrtare në lidhje me problemet e supozuara. Pak kohë më parë këngëtarja shpërndau një postim të dyshimtë, ku aludohej për vështirësi në martesën e saj. Ylli i pop-it ndau një tekst ku shkruhej: “ Në çdo marrëdhënie ka një person që e zë gjumi menjëherë dhe një person tjetër që qëndron zgjuar duke pyetur veten se si është e mundur kjo”. Muajt e fundit, ka pasur shumë thashetheme për probleme në marrëdhënie, me fotot e Britney Spears dhe Sam Asghari pa unazat e tyre të martesës. Ndërkohë nga ana tjetër fansat besnik presin me padurim publikimin e një dokumentari për jetën e Britney-t dhe betejat e vazhdueshme ligjore.