Ajo u quajt "Mbretëresha e Pushimeve" për shkak të dashurisë së saj për pushime joshëse, kështu që ndoshta nuk është çudi që Dua Lipa ka zgjedhur të martohet me stil në Itali. Më vonë këtë javë, në atë që po cilësohet si dasma e vitit në botën e shoëbiz-it, këngëtarja do të martohet me yllin e filmit Callum Turner, kandidatin kryesor për t'u bërë James Bondi i ardhshëm, në kryeqytetin e Siçilisë, Palermo. Burimet zbuluan se Dua do t'i thotë "Po" Turner gjatë një ekstravagance tre-ditore, një dasmë ku do të marrin pjesë një galaktikë yjesh e që raportohet se do të fillojë të enjten. Vëzhguesit mendojnë se kjo mund të jetë dasma e profilit më të lartë në ishull që nga martesa e Michael Corleone Apollonia Vitelli-n në filmin klasik të vitit 1972 "Kumbari". Çifti i fuqishëm i spektaklit Dua dhe Turner, dy nga personalitetet më të kërkuara në argëtimin britanik, kanë rezervuar një kat të tërë me suita në hotelin luksoz Villa Igiea me pamje nga Deti Tirren. Ceremonia pritet të zhvillohet në Villa Valguarnera të shekullit të 17-të, ndoshta më luksozja nga vilat në Bagheria, një qytet idilik 15 km larg kryeqytetit. Dua, 30 vjeç, e cila njoftoi fejesën e saj me aktorin 36-vjeçar qershorin e kaluar, ka zbuluar se çifti u dashurua me vendin e dasmës së tyre gjatë një vizite në ishullin italian. Siç pritej, lista e të ftuarve po formohet dhe në të bëjnë pjesë edhe Elton John, Mark Ronson, Donatella Versace etj. Kjo e fundit po dizenjon edhe fustanin e dasmës së Dua-s.