Një punonjës policie I Himarës u shpall në kërkim pasi përndoqi në mënyrë të vazhdueshme kolegen e tij në komisariatin e Vlorës. Efektivi Festim Xhafa, sipas Agjencisë së Mbikëqyrjes Policore, në datë 3 maj ndoqi me makinë nga Bulevardi kryesor deri në rrugën transballkanike kolegen e tij Viola Çuka. Ai I përplasi automjetin e më pas u largua me shpejtësi. Për t’I shpëtuar arrestimit ai e braktisi mjetin në Vlorë e më pas humbi gjurmët. Për rastin inspektorja e patrullës së Përgjithshme, Viola Çuka bëri denoncim, ndërsa hetuesit gjetën në mjetin e braktisur të Festim Xhafës një thikë dhe një biçak të cilat u sekuestruan në cilësinë e provës materiale. Shkak për rastin mendohet të jetë bërë lidhja e dashurisë që dy policët kishin mes tyre. Kjo pasi në korrik të vitit 2022 dy policët u fotografuan duke u puthur në makinën e policisë teska ishin në shërbim. Të dy, u pezulluan nga detyra por rifilluan sërish më pas. Festim Xhafa u transferua në komisariatin e Himarës ndërsa Viola Çuka vijoi në Vlorë. Efektivi akuzohet për veprat penale për kryerjen veprave penale "Përndjekje", "Dhuna në familje", "Mosbindje ndaj urdhrit të punonjësit të policisë së rendit publik", si dhe "Prodhimit, mbajtjes, blerjes apo shitjes pa leje të armëve të ftohta".