Zjarri masiv në pallatin e kompleksit “Arlis” la pas apartamente të shkrumbuara, duke shkaktuar një dëm të konsiderueshëm financiar dhe psikologjik për banorët. Një ditë pas betejës së zjarrfikësve për të shuar flakët dhe për të shpëtuar qytetarët që ndodheshin brenda banesave të tyre, Inspektoriati i Përgjithshëm ka urdhëruar ngritjen e dy grupeve të punës për të evidentuar dhe verifikuar shkaqet e zjarrit. Me firmën e kryeinspektorit Dashnor Sula është urdhëruar ngritja e dy grupeve pune, të cilat brenda kësaj të mërkure do të duhet të zbresin në terren dhe të bëjnë një verifikim në nivel ekspertize për shkaqet e zjarrit.