Për herë të parë në historinë moderne, rekrutët danezë janë vendosur në Grenlandë, ndërsa Danimarka po përpiqet të forcojë praninë e saj në Arktik pas kërkesave të SHBA-së për të marrë territorin. Presidenti amerikan Donald Trump, ka kërkuar vazhdimisht të marrë ishullin gjysmë-autonom danez, duke përmendur shqetësime për sigurinë kombëtare dhe duke akuzuar Kopenhagenin për neglizhencë në mbrojtjen e Arktikut. Danimarka dhe Grenlanda e kanë hedhur poshtë me vendosmëri idenë. Rekrutët janë pjesë e grupit të parë sipas programit të ri të zgjeruar të rekrutimit të Danimarkës, që synon të prodhojë ushtarë të aftë për të vepruar në një nga rajonet më të rëndësishme strategjike dhe sfiduese të mbretërisë. "Kjo tregon se ne jemi këtu dhe nuk mendojmë vetëm për veten tonë. Ne gjithashtu mendojmë për njerëzit në Grenlandë", tha një rekrut 19-vjeçar. Kopenhageni është zotuar të japë miliarda dollarë për të forcuar mbrojtjen e Arktikut pasi ministri i mbrojtjes i Danimarkës pranoi vite të tëra investimesh të pamjaftueshme në rajon.