Australia dhe Zelanda e re nisën avionë survejimi të hënën për të vlerësuar dëmet në Tonga, vend ky i izoluar nga pjesa tjetër e botës pas shpërthimit të një vullkani që shkaktoi tsunami dhe mbuloi ishullin e paqësorit me hi. Ministri australian për paqësorin, tha se të dhënat fillestare sugjeronin se nuk kishte të lënduar nga shpërthimi i të shtunës dhe tsunami, por policia kishte inspektuar plazhet dhe kishte raportuar dëme domethënëse dhe shtëpi të rrafshuara. Sipas zyrtarëve, një shtetase britanike raportohet e zhdukur. Fluturimet e survejimit do të vlerësojnë situatën në ishujt më të largët ku komunikimi është ndërprerë plotësisht. Shpërthimi i vullkanit Hunga Tonga Hunga Haapai, shkaktoi një tsunami në brigjet e Tongës dhe bëri që të ndërpriteshin linjat telefonike dhe ato të internetit në të gjithë ishullin. Komunikimi ndërkombëtar është dëmtuar rëndë për shkak të këputjes së një kabulli nënujor që do të dojë të paktën një javë që të riparohet dhe australia dhe zelanda e re po ndihmojnë me telefona satelitorë. Ndërkohë që tani hiri vullkanik po paraqet një shqetësim të madh për shëndetin pasi ka kontaminuar edhe ujin e pijshëm.