Këtë të enjte janë publikuar notat e e testimit në Gjuhën e Huaj për Maturën Shtetërore 2026, provim i cili u krye më 2 qershor për 2 orë e gjysmë. Provimi i Gjuhës së huaj u krye nga 25,015 maturantë, ku 367 prej tyre nuk mundën të kalonin testimin duke mbetur me rezultatin 4.00, ndërsa 135 maturantë kanë marrë notën maksimale 10.00, duke rezultuar ekselentë. Kalueshmëria për këtë provim është 98.53%, ndërkohë që nota mesatare e arritur është 7.68. Për zhvillimin e provimeve të maturës, autoritetet arsimore publikuan një sërë masash, ku u ndalua rreptësisht mbajtja e telefonave celularë, orëve inteligjente apo çdo pajisjeje tjetër elektronike që mund të përdorej për komunikim ose të lidhej me inteligjencën artificiale. Në provimin e Gjuhës së Huaj, qarku me mesataren më të lartë rezulton Kukësi me 8.34, I dyti është Tirana me mesatare 8.29, i treti Lezha me mesatare 8.27 dhe e fundit renditet Dibra me mesatare 7.28. Në vitin 2025 nga 25,742 maturantët që iu nënshtruan testimit në Gjuhën e Huaj, 399 prej tyre rezultuan mbetës, më shumë nga rezultati i këtij viti.